Receta Sallatash

[UKI]

"Sallate Shumengjyrshe"
1.Arra te coptuar
2.Djath gorgonzolla
3.luleshtrydhe ose manafera sipas stines
4.Sallate radikio
4.Sallate rukola
5.Salce aceto(e pergatitur me vaj ulliri,kripe,piper i zi)
5. Salce e embel krem

[UKI]

Sallatë me misër, bizele, kikirikë dhe susam

Ka një shije të mrekullueshme dhe një mënyrë përgatitje shumë të lehtë.

Përbërësit:

▪ 1 paketim të ngrirë kokrra misri të ëmbël,
▪ 100 g bizele të ngrirë,
▪ 200 g kikirikë të njelmët të pjekur,
▪ 30 g susam,
▪ 2 karota,
▪ majdanoz të freskët,
▪ 2-3 filxhanë të vegjël vaj,
▪ kripë sipas shijes,
▪ spec djegës i gjelbër i grirë.

Përgatitja:

Zieni kokrrat e misrit të ëmbël dhe bizelen në ujë në të cilin keni qitur kripë dhe pastaj kulloni mirë dhe ftohni.

Në tigan pa shtuar yndyrë piqni susamin. Edhe susamin ftoheni.

Qitni kokrrat e ziera të misrit dhe të bizeles në një enë të thellë dhe shtoni kikirikët e grirë trashë, susamin e pjekur dhe garrotat e grira në rende.

Përzieni mirë dhe shtoni majdanozin e grirë, vajin dhe kripën. Sërish përzieni.

Mbuloni enën me folie dhe derisa ta shërbeni mbajeni në frigorifer.

Bashkë me shërbimin, nëse dëshironi, shtoni spec djegës të grirë.

[UKI]

Sallatë me quinoa dhe perime

Kjo sallatë është me vlera ushqyese. Është e shëndetshme, me proteina dhe elementë të tjerë të ushqyeshëm, si dhe tepër e shijshme.

Përbërësit:

▪ Quinoa e zier
▪ Domate
▪ Kastravec
▪ Avokado
▪ Limon
▪ Qepë e kuqe
▪ Vaj ulliri

Përgatitja:

Presim në kubikë të vegjël domaten, kastravecin, avokadon dhe i përziejmë së bashku me quinoan e para përgatitur.

Në një enë hedhim lëngun e dy limonëve, pak kripë, piper, vaj ulliri, dhe i përziejmë fort duke krijuar një masë homogjene.

E vendosim në pjatë të gjithë këta përbërës të përzier së bashku, dhe sipas dëshirës mund të shtojmë edhe qepën e kuqe të prerë në copa të vogla.

[UKI]

Sallatë me lakra kineze.

Përbërësit:

▪ 1 lakër kineze,
▪ 200 g misër i ëmbël,
▪ 2 thelpinj hudhre, sipas shijes,
▪ piper sipas shijes,
▪ shumë pak kripë,
▪ sheqer sipas shijes,
▪ uthull molle,
▪ 2 lugë vaj ulliri.

Përgatitja:

Zieni misrin e ëmbël (15 minuta. Lëreni të ftohet.

Lakrën kineze pastrojeni nga fletët e jashtme, lani dhe priteni imët.

Shtoni hudhrën e grirë dhe erëzat e sipërpërmendura sipas shijes.

Në fund përzieni misrin e freskët dhe lëreni të ftohet.

[UKI]

Sallatë ruse pa majonezë

Në vend të majonezës përdoret jogurti, i cili jep shije të përsosur, freskuese.

Përbërësit:

▪ 200 g karotë,
▪ 200 g bizele,
▪ 200 g kastravecë të vegjël turshi,
▪ 5 të bardhë të vezëve të ziera,
▪ 5 vezë të plota,
▪ 100 g patate,
▪ 50 g mazë qumështi,
▪ 50 g jogurt 3,2%,
▪ 1 limon,
▪ pak kripë dhe piper.

Përgatitja:

Perimet e lara dhe të paqëruara zieni në ujë pak të kripur dhe ftohni shpejt.

Vezët zieni mirë dhe ftohni. Nga vezët hiqni të verdhët, ndërkaq të bardhët priteni në kube të madhësisë së bizeles.

Perimet qëroni dhe pritni në kube të madhësisë së bizeles, si edhe kastravecët turshi.

Në enë përzieni kubet e perimeve, vezëve, kastravecëve turshi dhe bizelen. Të gjithave bashkë u qitni kripë, piper dhe lëngun e limonit.

Sallatën lidheni me mazën e qumështit dhe me jogurt dhe lëreni në frigorifer që të ftohet.

[UKI]

Oriz integral me lakërishtë dhe domate qershi


Përbërësit:

▪ 300 gr oriz integral
▪ 150 gr djathë Brie ose kaçkavall të butë
▪ 3 domate qershi
▪ gjethe borzilok
▪ 3 lugë vaj ulliri ekstra i virgjër
▪ pak lakërishtë (rukola, arugula)
▪ 1 karotë e prerë
▪ kripë dhe piper

Përgatitja:

Fillimisht lani lakërishtën dhe domatet qershi (hiqini farat dhe pritini në kubikë), shtoni kripë, piper, pak vaj ulliri dhe gjethet e borzilokut të prera hollë dhe të gjithë këtë masë lëreni mënjanë.

Përgatisni orizin duke e hedhur në ujë me kripë, ziejeni 10 minuta, kullojeni dhe lëreni të ftohet.

Mandej shtoni pak vaj ulliri tek orizi, dhe më pas të gjithë përbërësit e përftuar më parë, dhe në fund djathin të prerë në kubikë.

Përziejini së bashku të gjitha.

Pjata shërbehet e ftohtë.

[UKI]

Sallatë tajlandeze me mish të bardhë pule


Përbërësit:

▪ 3 lugë vaj susami
▪ 3 lugë salcë soje
▪ 1 lugë salcë peshku
▪ 1 lugë mjaltë
▪ lëng limoni
▪ lëngë thekoni djegës
▪ 1 thelb hudhre
▪ 1 kastravec
▪ 1 karotë
▪ një qepë e re (e freskët)
▪ pak fletë të freskëta mente
▪ pak koriandër të freskët
▪ mish të grirë të bardhë pule
▪ fruta arrore sipas dëshirës për zbukurim

[UKI]

Sallatë Ceasar



Përbërësit:

▪ 200 gr fileto pule
▪ 1 fetë buke të thekur
▪ Sallatë jeshile
▪ 50 gr djath Parmigiano në copa të vogla
▪ 5-6 domate qershi sipas dëshirës

Përbërësit për salcën:

▪ 100 ml majonezë
▪ 40 ml qumësht
▪ 40 gr parmigiano i grirë
▪ 1 lugë gjelle mustardë
▪ 2 lugë gjelle lëng limoni
▪ 1 thelbi hudhër

Përgatitja:

Përbërësit e salcës i fusim të gjithë bashkë në mikser dhe i përziejmë deri sa të bëhet një masë homogjene në formë salce.

Fileton e pulës e presim në kubikë të vegjël dhe e skuqim me pak vaj ulliri, kripë dhe piper.

Bukën e thekur e presim në kubikë gjithashtu dhe e hedhim bashkë me pulën sipër sallatës jeshile dhe djathit në copa.

[UKI]

Sallatë me patate dhe turshi



Kjo është sallatë patatesh me vezë, selino dhe turshi është me të vërtetë e mirë për t’u shërbyer me me speca djegës.

Përbërësit:

▪ 5 patate
▪ 3 vezë
▪ 1 filxhan selino (të copëtuar)
▪ 1/2 filxhan qepë (të copëtuara)
▪ 1/2 filxhan perime turshi
▪ 1/4 lugë çaji kripë hudhre
▪ 1/4 lugë çaji kripë (e përzier me selino)
▪ 1 lugë gjelle mustardë (e përgatitur)
▪ 1/4 filxhan majonezë
▪ piper i zi

Përgatitja:

Vendosim në zjarr një tenxhere të madhe me ujë të kripur derisa të vlojë. Shtojmë patatet dhe i gatuajmë derisa të zbuten, por të jenë ende të forta, për rreth 15 minuta.

I kullojmë, i lemë të ftohen, i qërojmë dhe i presim.

Vendosim vezët në një tigan dhe i mbulojmë me ujë të ftohtë. E lemë ujin të vlojë. I mbulojmë dhe i heqim nga nxehtësia.

I lemë vezët të qëndrojnë në ujë të nxehtë për 10 deri në 12 minuta. I heqim nga uji i nxehtë, i lemë të ftohen, i heqim lëvoren dhe i ndajmë në copa.

Në një tas të madh, përziejmë patatet, vezët, selinon, qepët, turshitë, kripën hudhër, kripën selino, mustardën, piperin dhe majonezën.

I përziejmë mirë dhe i fusim në frigorifer derisa të ftohen.

[UKI]

Sallatë me speca

Një sallatë e shijshme me speca të të gjithë ngjyrave. Mund ta shijoni si antipastë, mbushje për makaronat apo shoqëruese me mish apo shpendë.

Përbërësit:

▪ 5 spec (të ngjyrave të ndryshme)
▪ 4 qepë
▪ 4 lugë gjelle vaj ulliri
▪ 125 ml ujë
▪ majdanoz
▪ 4 thelpinj hudhër
▪ 1 lugë gjelle sheqer
▪ 2 lugë gjelle uthull
▪ kripë
▪ piper

Përgatitja:

Në një tigan të madh skuqni qepët të prera në feta në vaj ulliri.

Shtoni specat e prerë në feta dhe ujin. Lërini të ziejnë për 10 minuta duke i përzier herë pas here, derisa specat të bëhen të butë.

Shtoni majdanozin e grirë, hudhrat e shtypura, sheqerin dhe uthullën. Hidhni kripë dhe piper. Vërini të ziejnë, reduktoni flakën dhe gatuajini për 10 minuta.

Lerëni të ftohet. Shërbejeni në temperaturë ambienti si antipastë, si mbushje për makaronat ose si shoqëruese për mishin ose shpendët.

Nëse dëshironi ta ruani këtë sallatë, pasi ta keni ftohur, hidheni në kavanozë të sterilizuar për një konservim të gjatë. Ruajeni në frigorifer.